About Me

Thursday, September 17, 2009

Budak Baik (Reviewed on 19/9/09)

Eden budak baik......(Saya Budak Baik)

Monjak kocik...den tak ponah mengado-ngado mintak menan yang memaha...
Orang lain ngompeh-ngompeh kaki, badan mo palo mintak di boli 'an game and watch Miki Mouse, kasut sekolah maha, tapi den...ontokkkkkk yo. Omak boghi Badminton Master tapak ijau $7.99 pun den cukup ber timo kasihhhhh (Semenjak kecik, tak pernah mengada-ngada mintak mainan yang mahal-mahal..orang lain hempas-hempas kaki, badan dan kepala mintak dibelikan game and watch Mickey Mouse, kasut sekolah mahal, tapi saya diammmm aje. Mak bagi Badminton Master tapak hijau $7.99 pun saya dah cukup berterima kasih.)

Monjak kocik...den tak ponah monjawab kato. Orang lain omak cakap satu...beghatuih dio menjawab. Den..omak cakap satu...den jawab setongah.(Semenjak kecik, saya tak pernah menjawab kata. Orang lain Mak cakap satu, beratus dia menjawab. Saya...mak cakap satu, saya jawab setengah)

Maso kocik, omak sughuh poei ngaji...omak cakap, rajin poei copek khatam eh. Lughuihhhhhh yo den poei sojid..mang yo eh...copek den khatam. Dongki boto abang den, sobab eh, dia tak gak naik-naik Quran...bertahun deh nak ngabih 'an Muqaddam eh. Mano tak kono sobat mo tepinggang sokar ayah den? Padan muko eh...(Masa kecik, mak suruh pergi mengaji..mak cakap, rajin pergi cepat khatam. Lurussss aje saya pergi masjid. Memang ye pun, cepat saya khatam. Dengki betul abang saya, sebabnya, dia tak jugak naik-naik Quran...bertahun dia nak menghabiskan Muqaddamnya. Mana taknya dia kena sebat dengan dengan tali pinggang askar Ayah saya? Padan mukanya.)

Maso dah bosa sikit...den kono masuk boarding school...dalam ati den cukup tak goma, tapi apokan dayo, den tak ghoti menjawab. Ayah boghi duit sebanyak ituuuu dan den tak ponah mintak tetambah. Omak selalu posan...belanjo elok-elok...ayah kojo masuk hutan, susah kojo eh...(tapi cam tipoooo yo, nama yo sokar..masuk utan eh adolah 20 menet sehari..pehtu agaknya dia makan mee goreng kek mess kan?)

Maso sekolah, ayah koba..belajar pepandai, jadi loyar...poei England. Hati maso tu ngelintin nak ambik MassComm (yo lah..nak ikut Wan Zaleha lah kato kan...) behompeh puleh den belajar nak lopeh 'an SPM. Sib baik pass. Dapek masuk tompek yang Ayah suko amek-amek tu. Suko ati Ayah...dapek den ngobar 'an kek orang..anak den nak poei oberseeeee.

Bilo sampai UK...macam susah mek nak pass perekso...nak ngadu kek Ayah mo Omak tak ghoti...kesudah eh den tukar course tak cakap mo Ayah Omak. Bilo dah grad...tekojut Ayah bila dapek tahu anak eh tak balik jadi loyar...iskk,isk..isk...

Bila dah bosa panjang dan tak boleh panjang lagi...petamo kali lah Den melawan hajat Omak Ayah..bukan melawan cakap do macam bebudak sekarang...melawan dendiam, buek mondo yang digoma dek ati...walaupun tahu toghang-toghang Ayah tak suko.

Poei lak kojo ateh patobang...Ayah bising (tapi bising kek Omak, tak do deh do nak bising kek den..takut den laghiiii) kato eh..buek ponek yo belajar...tu yang di ondak eh? Sian Omak den...kok anak-anak buek perangai...yang kono marah eh dio.Isk...

Peh tu...bercinto lak mo laki oghang (Ayah Omak tatau..sebolun jantan ni jadi laki orang...dulu den bercinto mo dio sebolun dia gata nak kawin pompuan lain) Ayah marahhhhhhh bona-bona.Tapi cam biaso, ayat-ayat marah di salur 'an kek Omak.

Nak ngelak laki oghang tu, den poei down under. Ayah pun tak goma gak...yo lah. Anak daro sensorang.

Up until couple of years back....bilo ayah dah tak koso nak marah, tak koso nak bising...Ayah cakap slow-slow ...lopeh den dapek UK Nationality, kok ini lah yang kau suko...buek lah elok-elok. Ayah & Omak mintak kau jago lah diri...Ayah & Omak ni jauh... (den raso nak nangih)

Kesimpulan eh...walaupun den ni bak kato oghang Kelantan..budak juruh...tak banyak paham..tak banyak kato, banyak boto pekaro yang den buek tolah melukokan ati Mak Ayah.Sib baik tak kono sumpah....

So, mulai hari ni...sampai bulan tongah bulan dopan, kok den tak hapdate tu, usahlah ningga 'an mesej-mesej demand geh puako. Boghilah den peluang berayo mo Omak Ayah den dan besuko ghio.

Tapi kalau den ado maso dan kalau internet connection tak macam puako, mako...kok sesapolah nampak pompuan angkek singlet duduk dendiam dalam cyber cafe update blog eh..mako togo lah jangan tak togo yo.

Sempono aghi ghayo ni...den nak mintak hampun dah mahap..terutamo pado puak-puak Pilah & Co yang pueh boto den kato.

Kepado yang comment yang den tak sompek jawab

Kepado orang yang den caruts (tapi kalau orang yang terasa dia dicarut..tu lu punya hal lah ye...)

Kepado kengkawan yang tak balik rayo...

Kepado follower-follower (sampai hari ni den tak tahu apo jadah eh fungsi follower ni...makno eh, nak ngikut balik umah ko?)

Entry ini ditujukan kek Orang2 Paroi Jaya, Kampung Tolang...and Orang United States Of Nine. Den rayo kali ni..rayo kek KL. Ayah dah tak bapo kuek..so, adik beradik den dah hangkut dio rayo kek KL. Bukan apo..nak low profile sikit. Kek Kelumpo..orang tak kona. Sonang hidup bilo oghang tak kona ni.Jimat barang makan...

Hehehehe......Maaf Zahir & Batin

19 comments:

DBI said...

huh..sedih pulok aku baca esah..matiler walaupun payohnyer nok pahang

selamat hari rayer..

Anonymous said...

esah den ucap selamat hari rayo.. dokek yo kek paroi.. apo pun den ngoti yo.. ayah den pun baru lopeh stroke.. ekau kuek semangat yo.. bak omputih ckp.. manjo pueh-pueh ngan family nanti..

(sayu lak den tetibo)

maaf zahir batin juo...

N82 said...

Reading this remind me to stuffs that I did although my parents hate.....

Selamat Hari Raya makji

lovelylin said...

sudehhhhhhhhhh! ko tak hapdet pon takpe. jgn amik2 gambo makanan tu sume! bwahahahha

hv a safe flight home darling!

- wawa & family

{ Miss Syahira } said...

hi.

welcome home.
ehhehe..
selamat hari raya, maaf zahir n batin :)

Tijah said...

slamat hari rayo makji. mintak mahap la kok ado tomaki ko hapo yo? (raso eh takdo) makan tu leklok jgn sampai tecokik tulang.

daa...

Ina said...

Salam Makji,

Selamat Hari Raya, Maaf zahir dan batin.

Hope you'll enjoy your stay in Mesia with family and friends. Take care.

ManaL said...

Waaa makji...sib baik saya dok sempadan nogori...

Anyways, call me up/sms me bila nak jumpa ok? err...memang kena jumpa kan kan kan?

Time2 raya ni nak ajer berlaki rasanya...

Anonymous said...

selamat hari raya mak ji esah... seronok2 la and enjoy yourself sampai puas........ jelous aku....

aku cam ko gak Cik esah.... budak baik.... tapi passive aggresive... semuga mak/pak aku ampun dah dosa aku...

typhoonsue said...

hahaha.. i luv it when u write in this tongue. susah aku nak paham, tapi aku pulun jugak baca sampai abis
goog for u makji, for being such a good girl... :-)

selamat hari raya and maaf zahir batin

Izuan Kunang-Kunang said...

Tu daih..berhempas pulas cheq nak faham..apa pun SELAMAT HARI RAYA MAK ESAHHHHHHH!!!

Mint said...

Esah;
Jomlah ko kelawang , kek Jolobu nun...eden adolah kek rumah. Den teringinlah nak jumpo dan berkenal mesra kau esah oiiii...

captlukman said...

wahhhhhhhhhh dang lagi hupdate dlm dok berkemas bagai tuh kan? time aku tido atas otoman kah???

selamat hari raya

As said...

Tergeliat lidah den nak buleh ke abis baca. Selamat Hari Raya MakJi.

Anonymous said...

pemerhati blog,

kalo boleh post lopeh ni mcm post ni jugak la,goma den baco eyh.kono lak kek hati den.haha

famil said...

Selamat hari raya!

Anonymous said...

selamat hari rayo ji - orang talang

Makji Esah said...

Selamat Hari Rayooo..orang Kampung Tolang

ummisara said...

Selamat HAri rayooooooo :)